Մինչ աշխարհը միջոցներ է ձեռք առնում, որ ամերիկյան բանկերի սնանկացման ազդեցությունից իրենց ֆինշուկան պաշտպանեն, Ֆրանսիայում կարծում են՝ իրենց բանկային համակարգի վրա դա չի ազդի:
Այս մասին հայտարարել է Ֆրանսիային էկոնոմիկայի, ֆինանսների, արդյունաբերական և թվային ինքնիշխանության նախարար Բրունո Լը Մերը Բրյուսելում անցկացվող Եվրախմբի նիստին։
«Մենք շատ ուշադիր հետևում ենք իրավիճակին և չենք տեսնում Ֆրանսիայի վրա Silicon Valley Bank-ի սնանկացման ազդեցության որևէ վտանգ», – ասել է նախարարը:
Մեկնաբանելով ֆրանսիական բանկերի բաժնետոմսերի արժեքի անկումը՝ Լը Մերը կոչ է արել հանգստություն պահպանել։
Ավելի վաղ France Info ռադիոկայանի եթերում պաշտոնյան ընդգծել էր, որ ֆրանսիական բանկերը գործում են տնտեսության տարբեր ոլորտներում՝ ի տարբերություն Silicon Valley Bank-ի, որը կենտրոնացած էր բացառապես նորարարական տեխնոլոգիաների ոլորտի վրա։
Նյութը հեղինակային է և պաշտպանված օրենքով
