Պերուում Հայաստանի դեսպան (նստավայրը՝ Բուենոս Այրես) Հովհաննես Վիրաբյանը իր հավատարմագրերն է հանձնել Պերուի նախագահ Դինա Բոլուարտեին։ Այս մասին հայտնեցին ՀՀ արտաքին գործերի նախարարությունից։

Հավատարմագրերի հանձնման հանդիսավոր արարողությանը ներկա է եղել նաև Պերուի արտաքին հարաբերությունների նախարար Անա Խերվասին:
Արարողությանը հաջորդած կարճատև զրույցի ընթացքում մտքեր են փոխանակվել երկկողմ և բազմակողմ հարթակներում համագործակցության հեռանկարների վերաբերյալ: Երկուստեք ընդգծվել է երկու երկրների հարաբերություններում առկա մեծ ներուժը:

Նյութը հեղինակային է և պաշտպանված օրենքով