Ամերիկյան Apple տեխնոլոգիական ընկերությունը կարող է հետաձգել նոր iPhone 8-ի շնորհանդեսը՝ այն տեղափոխելով 2018թ.:

Նման եզրահանգման են եկել Deutsche Bank-ի վերլուծաբանները՝ կանխատեսելով, որ 2017թ. սեպտեմբերին ընկերությունը կներկայացնի միայն iPhone 7s և iPhone 7s Plus մոդելները:

Վերլուծաբանների համաձայն՝ այժմ Apple-ն iPhone 8 հեռախոսի հավաքման համար անհրաժեշտ առանցքային մասերի պակաս ունի: Բացի այդ, ընկերությունը խնդիրների է բախվել որոշ նորարարական տեխնոլոգիաների ներդրման հարցում:

Ակնկալվում է, որ iPhone 8-ը կունենա 5.8 դյույմ անկյունագծով OLED էկրան, ինչպես նաև համալրված կլինի անլար լիցքավորման տեխնոլոգիայով:

Նյութը հեղինակային է և պաշտպանված օրենքով