Հայբիզնեսբանկն ու Բնության համաշխարհային հիմնադրամի հայաստանյան մասնաճյուղը «Հարավային Կովկասում էկոլոգիական միջանցքների ստեղծման աջակցություն» ծրագրի շրջանակում ստորագրել են համագործակցության պայմանագիր:
Պայմանագրի համաձայն՝ Հայբիզնեսբանկը ծրագրի ընթացքում շահառուներին ժամանակին եւ պատշաճ կարգով գումարը փոխանցող օղակ կհանդիսանա:
Ծրագրի նպատակն է կովկասյան էկոտարածաշրջանում բնության հատուկ պահպանվող տարածքների, արոտավայրերի, վայրի կենդանիների ապրելավայրերի ու անտառի կայուն կառավարումը, ինչպես նաեւ էկո, ագրո եւ գինու զբոսաշրջության քաջալերումը:
Հայբիզնեսբանկը ծրագրի նախաձեռնողների կողմից ընտրվել է որպես գործընկեր՝ առաջարկելով ծառայությունների լավագույն պայմաններն ու սակագները:
Կողմերի համագործակցությունն ուղղված է ՀՀ էկոտարածաշրջանների եւ այդ տարածքներին բնորոշ կենդանատեսակների պահպանմանն ու անտառների կառավարմանը, Վայոց Ձորի մարզում բնապահպանական ծրագրի իրականացմանը:
Նյութը հեղինակային է և պաշտպանված օրենքով
