Հայաստանում 2018 թվականի հունվար-փետրվարին տնտեսական ակտիվությունը 2017 թվականի նույն ժամանակահատվածի համեմատ աճել է 8.6% -ով, նախորդ տարվա 6.2% աճի համեմատ:

Ըստ ՀՀ Ազգային վիճակագրական ծառայության նախնական տվյալների` տարեկան աճը խթանել են բոլոր ոլորտները, բացառությամբ գյուղատնտեսության ոլորտի, բայց ավելի շատ` շինարարության, առևտրի և ծառայությունների ոլորտները: Միայն փետրվարին տնտեսական ակտիվությունն աճել է 7.2%, իսկ 2017 թ. փետրվարի համեմատ`7.3%:

Ըստ վիճակագրական տվյալների, 2018-ի հունվար-փետրվարին ծավալները շինարարության ոլորտում աճել են 22.7%, առևտրի ոլորտում`17.4%, ծառայությունների ոլորտում`15,1%, արդյունաբերության ոլորտում`8.3%, էներգետիկ համալիրում`3.5%, իսկ գյուղատնտեսության ոլորտի աչը դանդաղել է մինչև 0.1%: Տարեկան կտրվածքով ա-ի խոշոր ծավալներով աչքի են ընկել`շինարարության ոլորտը, առևտրի ոլորտը և ծառայությունների ոլորտը, համապատասխանաբար կազմելով`25.1%, 17.6% և 15.4%, որոնց հաջորդում են`արդյունաբերության հատվածը`3.3% և ագրոհատվածը`0,2%, իսկ էներգետիկ համալիրում անկումը կազմել է 0,5%:

Արդյունաբերական արտադրանքի գների ինդեքսը 2018 թվականի հունվար-փետրվար ամիսներին աճել է 4.4%, տարեկան 3.6% աճով:

Բացարձակ մեծությամբ 2018-ի հունվար-փետրվարին առաջատարն է առևտրի ոլորտը, 359.1 մլրդ դրամ (745.1 մլն դոլար) ծավալով: Այնուհետև հաջորդում են`արդյունաբերական ոլորտը`254,7 մլրդ դրամ ($ 528.6 մլն), ծառայությունների ոլորտը` 225.7 մլրդ դրամ ($ 468,3 մլն), գյուղատնտեսության ոլորտը`45.3 մլրդ դրամ (94.1 մլն դոլար), շինարարության ոլորտը`21.6 մլրդ դրամ (44.9 մլն դոլար): 2018 թվականի հունվար-փետրվար ամիսներին էլեկտրաէներգիայի արտադրության ծավալը կազմել է 1502,2 մլն կՎտժ:

Նյութը հեղինակային է և պաշտպանված օրենքով