2018 թվականի երկրորդ կիսամյակից սկսած մեկ մեքենայի մաքսազերծման արժեքը զգալիորեն նվազել է, լրագրողների հետ հանդիպմանն ասաց Պետական եկամուտների կոմիտեի նախագահ Դավիթ Անանյանը։
«Սա արդյունք է նրա, որ մենք ոչ թե վիճակագրական արժեք կամ մաքսային արժեք ենք կիրառել, այլ կիրառել ենք ինվոիսային արժեք։ Հունվարի 1-ից որևէ բան չի փոխվել, ուղղակի ներմուծել ենք նոր գործիք։ Անձիք, ովքեր մեքենա են ձեռք բերել դրսում, ներկայացրել են ձեռքբերման արժանահավատ ինվոիս, ապա որևէ խնդիր չունեն, այդ արժանահավատ փաստաթղթի վրա կատարվելու է մաքսային ձևակերպում», - ներկայացրեց Դավիթ Անանյանը։
ՊԵԿ նախագահը նշեց, որ նախկինում քաղաքացիները որպեսզի ունենային «բարենպաստ» արժեք մաքսային ձևակերպման համար, զանազան կազմակերպությունների միջոցով փորձում էին ձեռք բերել ոչ արժանահավատ ինվոիսներ։
Կարդացեք նաև՝ ՊԵԿ-Ը ՀԱՎԱՔԱԳՐԵԼ Է ՆԱԽԱՏԵՍՎԱԾԻՑ ԱՎԵԼԻՆ
Նյութը հեղինակային է և պաշտպանված օրենքով
