«Գազպրոմի» աշխատակազմը գրեթե ավարտել է Սանկտ Պետերբուրգ տեղափոխվելու ուղղությամբ աշխատանքները: Այս մասին լրագրողներին պատմել է ընկերության ղեկավար Ալեքսեյ Միլլերը:

Նրա խոսքով՝ Նևա գետի վրա գտնվող քաղաքում արդեն աշխատում է գազային կորպորացիայի աշխատակազմի 95 տոկոսը:

Սանկտ Պետերբուրգի քաղաքապետի պաշտոնակատար Ալեքսանդր Բեգլովի հետ 2019-2021 թվականների համագործակցության համաձայնագրի ստորագրման ժամանակ՝ Միլլերը հայտնել է, որ «Լախտա կենտրոնի» բացումը նախատեսվում է առաջիկայում:

Այս պահին այնտեղ ընթանում են տարածքի հարդարման աշխատանքներ: Ընկերության ղեկավարը ԶԼՄ ներկայացուցիչներին հրավիրել է «Գազպրոմի» շտաբ-բնակարանի բացմանը:

«Լախտա կենտրոնը» գտնվում է Սանկտ Պետերբուրգի հյուսիս-արևմուտքում: Համալիրի հիմնական օբյեկտը 462 մետրանոց երկնաքերն է, որի շինարարությունն ավարտվել է դեռ 2018 թվականի նոյեմբերին:

Նյութի աղբյուրը՝ FreeNews.am