Հայաստանը Եվրասիական զարգացման բանկի հիմնադրամ է ուղղել 43 միլիոն դոլարի 28 հայտ` սոցիալական ոլորտի նախագծեր ֆինանսավորելու նպատակով: Ինչպես հայտնում է բանկի մամուլի ծառայությունը, դրամաշնորհ ստանալու ամենաշատ հայտերը ստացվել են Հայասանից:

Եվրասիական զարգացման բանկը, որպես Կայունացման ու զարգացման եվրասիական հիմնադրամի միջոցների կառավարող, ամփոփել է ԿԶԵՀ–ի միջոցներից դրամաշնորհներ տրամադրելու 2-րդ մրցույթի շրջանակում հայտերի ստացման արդյունքները:

Մրցույթին մասնակցելու հրավեր է ուղարկվել ԵՀայաստանին, Ղրղըզստանին ու Տաջիկստանին: Ղրղըզստանից ստացվել է 25,4 մլն դոլարի 12 հայտ, Տաջիկստանից` 16,1 մլն դոլարի 6 հայտ: Կայունացման ու զարգացման եվրասիական հիմնադրամի քարտուղարությունը ստացել է 84, 5 մլն դոլարի նախագիծ ֆինանսավորելու 46 հայտ։

Հայտերի մեծ մասը սոցիալական ապահովության ու պաշտպանության ոլորտի նախագծեր են, այդ թվում` պարենային անվտանգությունը` 15 հայտ, երկրորդ տեղում է կրթությունն ու ուսուցումը (14 հայտ), երրորդում` պետական կառավարման արդյունավետությունը (11 հայտ): Ստացվել է նաև առողջապահության ոլորտի նախագծերի ֆինանսավորման 6 հայտ:

Մեկ հայտում նշված դրամական միջոցի միջին ծավալը կազմել է մոտ 1,8 մլն դոլար:

ԵԶԲ-ն սկսել է ստացված հայտերի ուսումնասիրությունը: Կայունացման ու զարգացման եվրասիական հիմնադրամի խորհրուրդին կներկայացվեն առաջարկություններ դրամաշնորհներ հատկացնելու վերաբերյալ:

Նյութը հեղինակային է և պաշտպանված օրենքով