Ռուսաստանի նախագահ Վլադիմիր Պուտինը հանձնարարել է կառավարությանը մշակել առաջարկներ մասնավոր հատվածի ստարտափներում ներդրողներին աջակցելու համար: Նա այդ մասին հայտարարել է «Գործունյա Ռուսաստան» համաժողովի ժամանակ:
Պետության ղեկավարի խոսքով՝ ներկայումս նման սկսնակ նախագծերում ներդրումներ կատարող անհատների թիվը բավարար չէ:
«Կարևոր է կազմավորել մասնավոր ներդրումների խթանում, ստեղծել առանձնահատուկ պայմաններ, այդ թվում՝ հարկայինը, այն քաղաքացիների համար, որոնք իրենց միջոցները ներդրումներ են ստարտափներում: Նրանց, ինչպես հայտնի է, անվանում են բիզնես հրեշտակներ», - հայտարարել է Պուտինը:
Նախագահը դիմել է կառավարությանը՝ կարգադրելով «Գործունյա Ռուսաստանի» հետ համատեղ մշակել և ներկայացնել համապատասխան առաջարկներ կարճ ժամանակում:
Միևնույն ժամանակ, Պուտինը նշել է մտավոր սեփականության իրավական պաշտպանության ուժեղացման, նաև Ռուսաստանում արտոնագրերի գրանցման գրավիչ պայմանների ձևավորման անհրաժեշտությունը: Այդ ուղղությամբ քայլեր են արվել, ասել է նախագահը:
Նյութի աղբյուրը՝ FreeNews.am
